Ճանապարհա-տրանսպորտային պատահարներ

Մարտի 1-ին, ժամը 18.10-ին, Երևանի Մայիսի 9-ի փողոցի թիվ 13 շենքի մոտ իրար են բախվել «Նիսան» և «ՎԱԶ-2107» մակնիշի ավտոմեքենաներ:

«ՎԱԶ-2107»-ի ուղևորը մարմնական վնասվածքներով տեղափոխվել է հիվանդանոց:

***

Փետրվարի 28-ին, ժամը 17.20-ին, անհայտ մակնիշի ավտոմեքենայի վարորդը Երևանի Ազատամարտիկների փողոցում վրաերթի է ենթարկել 36-ամյա քաղաքացուհու, պատճառել մարմնական վնասվածքներ և հեռացել:

Մարտի 1-ին, ժամը 14.50-ին, վրաերթի ենթարկված քաղաքացուհին բուժօգնության է դիմել հիվանդանոց:

***
Մարտի 1-ին, ժամը 12.25-ին, հիվանդանոցից ոստիկանության Արմավիրի բաժնում հաղորդում է ստացվել, որ մարմնական վնասվածքներով բուժօգնության է բերվել 8-ամյա տղա և հայտարարել, որ վնասվածքները ստացել է նույն օրը, ժամը 12-ի սահմաններում, իրենց տանը կից անասնագոմից վայր ընկնելու հետևանքով:

Ոստիկանության ծառայողների ձեռնարկած միջոցառումների շնորհիվ պարզվել է, որ «Ֆորդ Տրանզիտ» մակնիշի ավտոմեքենայի վարորդը նույն օրը, ժամը 12-ի սահմաններում, Տանձուտ գյուղի կենտրոնական փողոցում՝ դպրոցի մոտ, վրաերթի է ենթարկել երեխային և տեղափոխել հիվանդանոց:

Բացատրական աշխատանքների շնորհիվ վարորդը ներկայացել է ոստիկանություն և տվել բացատրություն:

***
Մարտի 2-ին, ժամը 00.10-ի սահմաններում, «ՎԱԶ-2106» մակնիշի ավտոմեքենան Ծովագյուղ-Շորժա-Վարդենիս ճանապարհի 1-ին կմ-ին դուրս է եկել երթևեկելի գոտուց և բախվել կամրջի բետոնյա պատնեշին, ինչի հետևանքով վարորդը մարմնական վնասվածքներով տեղափոխվել է հիվանդանոց:

***
Մարտի 1-ին, ժամը 18.30-ի սահմաններում, Երևան-Գյումրի ճանապարհի 111-րդ կմ-ին իրար են բախվել «Կիա» և «Ֆորդ-Տրանզիտ» մակնիշի ավտոմեքենաներ:
Պատահարի հետևանքով վարորդները և «Ֆորդ-Տրանզիտ»-ի ուղևորը մարմնական վնասվածքներով տեղափոխվել են հիվանդանոց:

Կայքում առկա գովազդ (ներ)- ի և/կամ մամուլի տեսության համար «Կրիմինալ Էյ Էմ » ՍՊԸ-ն պատասխանատվություն չի կրում: Կայքում հրապարակված այլոց տեսակետ(ներ)-ը կարող են չհամընկնել criminal.am խմբագրության տեսակետ(ներ)-ի հետ:
«Կրիմինալ Էյ Էմ » ՍՊԸ (crimianl.am), © 2017:

Հեղինակային և հարակից բոլոր իրավունքները պահպանված են:

Հասցե` Հայաստան, ք.Երևան 0010
Փ.Բուզանդի 1/3 շենք, 2-րդ հարկ
Հեռ: +374 43 405353
Էլ. փոստ` info@criminal.am

Գովազդի համար զանգահարել +374 41 405353

© Copyright 2017 | All rights reserved. designed by Hakob Jaghatspanyan for Criminal.am LLC.