«Սանիթեք» ընկերության տնօրենին մեղադրանք է առաջադրվել

Քրեական գործի նախաքննությամբ պարզվել է, որ Վահե Փայտյանը հանդիսանալով «Սանիթեք» ՍՊԸ-ի հայաստանյան մասնաճյուղի ղեկավար և ստանձնելով ընկերության աշխատակիցների աշխատանքի անվտանգության և առողջության հարցերով պատասխանատուի պարտականությունները, իրականում չի ապահովել ՀՀ աշխատանքային օրենսգրքով սահմանված աշխատանքի պաշտպանությանը վերաբերող պահանջները:
Մասնավորապես, ըստ մեղադրական եզրակացության, Վ. Փայտյանը հրահանգավորումներ չի անցկացրել աշխատակիցներից վարորդ Հովհաննես Խաչատրյանի և բանվոր Նորայր Նուրիջանյանի հետ, ինչի արդյունքում աղբատար ավտոմեքենայով աղբաթափման աշխատանքներն իրականացնելիս, նրանք խախտել են անվտանգության կանոնները. ավտոմեքենայի հիդրավլիկ համակարգի միացված լինելու պայմաններում բանվոր Ն. Նուրիջանյանը մտել է փաթեթավորման բունկերի մեջ, որի ժամանակ էլ պատահաբար միացել է փաթեթավորման գլանը: Կատարվածի արդյունքում Ն. Նուրիջանյանի առողջությանը պատճառվել է կյանքի հետ անհամատեղելի գանգուղեղային բաց վնասվածք, ինչի հետևանքով Ն. Նուրիջանյանը մահացել է:
Վերը նշված արարքի համար Վահե Փայտյանին մեղադրանք է առաջադրվել ՀՀ քրեական օրենսգրքի 157-րդ հոդվածի («Աշխատանքի պաշտպանության կանոնները խախտելը») 2-րդ մասի հատկանիշով:

Tags:

Կայքում առկա գովազդ (ներ)- ի և/կամ մամուլի տեսության համար «Կրիմինալ Էյ Էմ » ՍՊԸ-ն պատասխանատվություն չի կրում: Կայքում հրապարակված այլոց տեսակետ(ներ)-ը կարող են չհամընկնել criminal.am խմբագրության տեսակետ(ներ)-ի հետ:
«Կրիմինալ Էյ Էմ » ՍՊԸ (crimianl.am), © 2017:

Հեղինակային և հարակից բոլոր իրավունքները պահպանված են:

Հասցե` Հայաստան, ք.Երևան 0010
Փ.Բուզանդի 1/3 շենք, 2-րդ հարկ
Հեռ: +374 43 405353
Էլ. փոստ` info@criminal.am

Գովազդի համար զանգահարել +374 41 405353

© Copyright 2017 | All rights reserved. designed by Hakob Jaghatspanyan for Criminal.am LLC.